Познато е дека Законот на Мур предвидува дека секои две години ќе се дуплира бројот на транзистори и интегрирани кола на компјутерскиот чип. Законот како закон, но дали тоа предвидување се „исполнува“ и денес?
„Законот“ го доби своето име по основачот на „Intel“, Гордон И. Мур, кој овој тренд го опиша уште во 1965-та година. Неговите предвидувања се покажаа како точни, а нив ги потврдија и истражувачите на „Google“, a „IT“ компаниите практично своите иновации и бизнис планови ги засноваат на овој закон.
На графиконот горе имаме можност да го видиме Законот на Мур во вистинска перспектива. Од процесорот „Pentium“ од 1993-та година кој имаше 3.1 милиони транзистори, до денеска, кога поголемиот број на моќни чипови имаат 3 милијарди транзистори.