Американскиот претседател Доналд Трамп објави на својата социјална мрежа Truth Social дека планира да воведе 100-процентни царини на сите филмови произведени надвор од Соединетите Американски Држави и увезени на американскиот пазар.
„Филмската индустрија во Америка многу брзо умира. Други земји нудат секакви стимулации за да ги намамат нашите филмски работници и студија надвор од САД. Холивуд и многу други делови од САД се уништени. Ова е организиран напад од други земји и затоа претставува закана за националната безбедност. Меѓу другото, станува збор и за пораки и пропаганда!“
Затоа, ги овластувам Министерството за трговија и Канцеларијата на трговскиот претставник на САД веднаш да започнат со процесот на воведување 100-процентна царина на сите филмови што влегуваат во нашата земја, а се продуцирани во странство.
САКАМЕ ПОВТОРНО ДА СЕ СНИМААТ ФИЛМОВИ ВО АМЕРИКА!“, напиша Трамп.
