Тему повеќе нема да испорачува стока од Кина во САД поради новите царини на Трамп

Кинеската компанија „Тему“ денес објави дека повеќе нема да испорачува стока од Кина во Соединетите Американски Држави поради новите американски царински мерки.

Како што објави порталот „Tech Crunch“, компанијата Тему ја донела оваа одлука откако американскиот претседател Доналд Трамп го укина правилото „de minimis“, кое дозволуваше увоз на стока во вредност до 800 долари без царина.

Според американската мрежа CNBC, американските клиенти на платформата Тему веќе почнале да забележуваат дополнителни „даноци за увоз“ од 130 до 150 проценти, а како одговор, компанијата престана да ги прикажува производите од Кина како достапни, додека понудите сега се ограничени на стоки од американски магацини.