Најголемата причина зошто „Apple“ сè уште не го претстави својот прв склоплив „iPhone“ се шарките на средината на екранот.
За разлика од конкурентите кои веќе лансираа повеќе генерации на склопливи телефони, „Apple“ одлучи да почека додека технологијата не стане доволно „невидлива“ за нивните стандарди. Тоа значи дека „браздата“ во средината не се гледа кога телефонот е отворен.
Според „BusinessKorea“, „Samsung“ е единствениот партнер на „Apple“ кој успеал да ги исполни овие високи барања.
Благодарение на соработката со „Amphenol“, кој произведува шарки за „MacBook“, „Samsung“ успеа да развие флексибилен екран со речиси невидлива бразда, што „Apple“ конечно го прифати, пренесува „9to5Mac“.
Додека „LG“ и „BOE“, другите добавувачи на дисплеи, не успеаја да понудат задоволително решение, „Samsung“ обезбеди ексклузивен договор за „OLED“ панели што ќе се користат во првиот „iPhone“ што се преклопува.
„Apple“ обично претпочита да има повеќе добавувачи за клучните компоненти, така што има поголема контрола врз цените и достапноста. Сепак, како што е случајот со „TSMC“, кој е единствениот што произведува чипови А и М, компанијата е подготвена да се потпре на еден партнер доколку тоа значи повисок квалитет.
Во втората половина на следната година се очекува да има склоплив „iPhone“. Некои гласини сугерираат дека може да има „Face ID“ под екранот, но засега се смета за експериментална карактеристика.
