„Lenovo“ и официјално во продажба го пушти својот „IdeaPad Flex notebook PC“, кој може да се користи во две форми и има опција за „multitouch“ со 10 точки.
Најновиот додаток со семејството на „Lenovo“ лаптопи може да се сврти за 300 степени, а може да се користи во стандардната лаптоп позиција или во исправена положба за користење како екран на допир.
За лаптоп начинот овој уред има интегрирана тастатура и „touchpad“. „Lenovo IdeaPad Flex“ има 14 инчен дисплеј со резолуција од 1366 x 768 пиксели, како и четвртата генерација „Intel Core i3“ процесорот со 4GB RAM, графичка картичка „Nvidia GeForce GT740M“ , 720p камера. Овој „notebook“ се напојува со батерија од 48Wh, која е доволна за околку шест часа репродукција на видеа од 1080p.
Димензиите на уредот се 343 x 250 x 21 милиметар. „Lenovo IdeaPad Flex“ е достапен во црна и сребрено-сива боја, а ќе се продава со почетна цена од 680 долари.
