„Toughpad“ е таблетот на „Panasonic“ (првиот светски 4K таблет) кој беше претставен на годинешниот „CES“ саем, а потоа и неколку пати по „CES“.
Сега „Panasonic“ објави дека „Toughpad 4K“ наскоро ќе се најде во продажба и тоа по цена од 6.000 долари. „Panasonic Toughpad 4K UT-MB5“ има голем екран од 20 инчи со резолуција од 3840 x 2560 (230ppi).
Овој уред работи на процесорот „Intel Core i5“ со „Nvidia GeForce 745M GPU“. Оперативниот систем на таблетот е „Windows 8.1 Pro“, a тука се и 256GB SSD, 8GB RAM и 2GB VRAM.
Таблетот дефинитивно не е креиран да се носи како другите мобилни уреди, затоа што е тежок 2.3 килограми. Батеријата има автономија од само два часа, пред да и е потребно повторно полнење.
„Panasonic Toughpad 4K“ првенствено е наменет за професионалците и најголема примена ќе најде во дизајнот, архитектурата, фотографијата и видео продукцијата.
