„General Motors Co.“ ќе ја зголеми својата квартална дивиденда за 25% и ќе преземе нова програма за откуп на акции за 6 милијарди долари за враќање на акумулираната добивка на акционерите и стимулирање на нивната поддршка.
Американскиот производител на автомобили соопшти дека очекува да откупи акции во вредност од 2 милијарди долари до првата половина од оваа година, а остатокот од акциите кои се планирани за стекнување ќе се купат во време погодно за компанијата.
Кварталниот пораст на дивидендата од 12 центи на 15 центи по акција ќе стапи на сила со следната закажана дивиденда во април 2025-та година.
Во ноември 2023-та, „GM“ најави зголемување на дивидендата и програма за откуп на акции од 10 милијарди долари.
Производителот на автомобили кон крајот на минатата година соопшти дека ја завршил претходната програма за откуп, која вклучува 87 милиони акции. На крајот на декември, „GM“ имаше 995 милиони долари акции на отворениот пазар, постигнувајќи ја целта за намалување на бројот на акции на помалку од 1 милијарда.
Во јуни 2024-та, „GM“ одобри уште 6 милијарди долари откуп на акции, од кои остануваат да се купат уште 300 милиони хартии од вредност.
„Гледајќи напред, очекуваме да продолжиме да го враќаме вишокот капитал на нашите акционери и дополнително да го намалиме бројот на акции“, рече главниот финансиски директор Пол Џејкобсон за време на презентацијата на финансискиот извештај на „GM“ за четвртиот квартал.
Производителот на автомобили бара рамнотежа помеѓу повратот за акционерите и одржувањето стабилни деловни инвестиции додека ја проширува својата електрична понуда.
„GM“ очекува оперативните загуби во бизнисот со електрични возила да паднат за 2 милијарди долари оваа година.
Компанијата предвидува нето добивка од 11,2 до 12,5 милијарди долари за 2025-та година Аналитичарите предвидуваат дека овој резултат ќе достигне 11,45 милијарди долари.
Компанијата очекува капитални расходи за 2025-та година да биде во опсег од 10 до 11 милијарди долари.
Акциите на „GM“ пораснаа за околу 18% во изминатата година, приближно во согласност со индексот S&P 500.
