Москва и Вашингтон мора да го решат наследството на администрацијата на поранешниот американски претседател Џо Бајден, која ги уништи темелите на долгогодишната соработка на двете земји, изјави пред Државната дума рускиот министер за надворешни работи Сергеј Лавров.
-Засега е неопходно да се отстрани наследството на администрацијата на Бајден, која направи се за да ги уништи дури и првите навестувања, самата основа на долгорочното партнерство меѓу нашите земји – рече Лавров, коментирајќи ја можноста за стратешка соработка меѓу Русија и САД.
Тој рече дека може да се создадат услови за разговори за безбедноста и стратешката стабилност меѓу земјите.
Руската и американската делегација се состанаа во Ријад на 18 февруари. Русија ја претставуваа министерот за надворешни работи Сергеј Лавров, помошникот на претседателот Јуриј Ушаков и Кирил Дмитриев, генерален директор на Рускиот фонд за директни инвестиции (РФИФ).
Во американската делегација беа државниот секретар Марко Рубио, советникот за национална безбедност Мајк Волц и специјалниот пратеник за Блискиот Исток Стивен Виткоф.
Според Ушаков, делегациите имале сериозна дискусија за сите прашања што сакале да ги решат, вклучително и усогласување на позициите меѓу Русија и САД, како и комуникацијата во врска со Украина.
Лавров го опиша разговорот со претставниците на Вашингтон како многу конструктивен, наведувајќи дека и Русија и САД се согласиле да го забрзаат назначувањето на амбасадори во нивните главни градови.
