Канада силно и брзо ќе возврати ако САД воведат царини од 25 отсто од 1 февруари, како што најави новиот американски претседател Доналд Трамп по неговата инаугурација во понеделникот, изјави денеска канадскиот премиер Џастин Трудо.
„Се е на маса и го поддржувам принципот на еднакви тарифи во долари“, рече Трудо на прес-конференција, прецизирајќи дека тоа ќе има „одреден трошок“ за канаѓаните.
Подготвени сме да се соочиме со сите сценарија и ќе ги заштитиме нашите национални интереси“, рече премиерот, кој поднесе оставка на почетокот на јануари, а чиј наследник ќе биде познат дури на 9 март.
Сепак, тој рече дека е уверен оти администрацијата на Трамп нема да воведе тарифи што ќе биде „клучен момент за Канада и канаѓаните“.
Според економистите, воведувањето тарифи ќе предизвика длабока рецесија во Канада, чии 75 отсто од извезените стоки и услуги одат во САД, а стотици илјади работни места се во прашање.
Според песимистичкото сценарио на Банката на Шкотска, американското зголемување на царините проследено со канадски одговор може да доведе до пет отсто пад на канадскиот БДП, со значително зголемување на невработеноста и зголемување на инфлацијата од повеќе од 4,1 отсто.
„Планираме (тарифи) од редот на 25 проценти за Мексико и Канада, бидејќи тие дозволуваат многу луѓе да влезат… и многу фентанил (опиоид што предизвикува голем здравствен проблем во Соединетите држави) “, рече Трамп во понеделникот.
