Австралискиот спортски новинар Тони Џонс од Канал 9, кој ги исмејуваше српските навивачи во Мелбурн и го навредуваше српскиот тенисер Новак Ѓоковиќ, се извини за неговата постапка, наведувајќи дека неговиот „хумор“ бил погрешно протолкуван.
Џонс рече дека неговиот „хумор“ е протолкуван како напад на Новак, „што не е така“, додавајќи дека тој се шегувал со српските навивачи во текот на целиот турнир и дека тоа е продолжение.
„Ако ја гледате нашата утринска емисија, ќе добиете идеја за тоа како работиме. Во ниту еден момент не сакав да не го непочитувам Новак и се извинувам за тоа. Сигурно не беше намера да го навредам“, рече Џонс.
Џонс за време на еден од своите настапи го навредуваше Ѓоковиќ пред српските навивачи, а после тоа не се огласи, што предизвика револт кај најдобриот тенисер на сите времиња.
This is what happened pic.twitter.com/9X4YEGIl2C
— Milton Friedom5 ✈️ (@MiltonFriedom5) January 19, 2025
Затоа, по победата над Јиржи Лехечак, Ѓоковиќ одби да одговори на прашањата на Џим Куриер на теренот и само кратко им се обрати на навивачите, заблагодарувајќи им се за поддршката.
A few words about what happened on court. pic.twitter.com/jRof2npiwH
— Novak Djokovic (@DjokerNole) January 19, 2025
Српскиот тенисер подоцна објасни дека го искористил овој гест за да го изрази својот револт кон Тони Џонс бидејќи не се извинил за своите скандалозни коментари.
Џонс е вработен во Канал 9, кој исто така ги има ТВ правата за натпреварите на Австралија опен.
Многу тенисери проговорија за скандалозниот потег на Џонс, а најбогатиот човек на светот Илон Маск јавно го поддржа Новак Ѓоковиќ, што се гледа од пораката што ја напиша како одговор на говорот на Новак.
Многу е подобро само директно да и се обратите на јавноста отколку да поминете низ филтерот на негативност од официјалните медиуми“, напиша сопственикот на социјалната мрежа „Х“.
Ноле накратко додаде: „Така е“.
Србинот претходно обезбеди пласман во четвртфиналето каде противник ќе му биде шпанскиот натпреварувач Карлос Алкараз.
