Се зголемува бројот на претстави кои се одиграни во театрите низ земјава. Во исто време бројот на посетители бележи раст на годишно ниво. Позитивни бројки има како во професионалните така и во аматерските театри. Што се однесува до Филхармонијата податоците велат дека и тука има зголемен број на посетители во периодот 2023-2024 година во однос на претходните две години, но тука забележан е намален број на претстави.
Во периодот 23та -24та година Државниот завод за статистика објави дека има зголемување на изведените претстави во театрите низ Македонија и тоа за над 11 отсто. Споредбата е направена со периодот 2022 – 2023 година. Не толку голем е и растот на бројот на посетители, кој изнесува над 3 отсто, но добро е тоа што расте интересот кај граѓаните за посета на културните манифестации.
„Според податоците на Државниот завод за статистика, во периодот 2023/2024 година, вкупниот број на прикажаните претстави во професионалните театри е зголемен за 11.5 %, исто така и бројот на посетителите е зголемен за 3.1.% во однос на периодот 2022/2023 година. Во периодот 2023/2024 година, бројот на прикажаните претстави во професионалните театри за деца и млади е зголемен за 14.8 %, исто така е зголемен и бројот на посетителите за 0.6.% во однос на периодот 2022/2023 година. Бројот на прикажаните претстави во аматерските театри е намален за 36.5 %, исто така е намален и вкупниот број на посетителите за 46.7 % во однос на периодот 2022/2023 година. Во периодот 2023/2024 година, бројот на посетителите на Филхармонијата е зголемен во однос на периодот 2022/2023 година. Кај професионалниот ансамбл за народни игри и песни, во периодот 2023/2024 година, во споредба со 2022/2023 година, е забележано намалување на бројот на самостојните приредби (концерти) и на бројот на посетителите.“ Стои во извештајот на ДЗС
Податоците од извештајот велат дека во однос на изведени дела според видот на поставката и потеклото на авторот, 2023/2024 година имало вкупно 177 дела. Од нив 46 дела биле домашни а останатите 131 дело се странски. Овие 177 дела биле изиграни 914 пати, а ги гледале речиси 165 илјади граѓани.
Во анализираниот период имало 73 премиери, две обновени претстави и 102 претстави од поранешен репертоар. Се одиграле и 31 претстава која била на решертоарот на театрите за деца и младинци, и 9 претстави кои биле дел од аматерските театри.
И.П.
