Американците планираат да потрошат повеќе за божиќни и други празнични подароци оваа година, покажува традиционалната анкета на Галуп.
Американците оваа година ќе трошат во просек по 1.000 долари за празнични подароци, покажува истражувањето на Галуп спроведено од 6 до 20 ноември.
Во ноември минатата година рекоа дека во просек ќе потрошат 975 долари за подароци, пренесува Мина.
Во исто време, испитаниците беа помалку воздржани во проценките за трошењето на празниците, а речиси половина од нив експлицитно изјавија дека ќе потрошат повеќе за подароци.
„Просечниот износ во исто време е речиси ист како и во прелиминарната проценка објавена во октомври“, велат од Галуп, нагласувајќи го отстапувањето од резултатите од претходните години, кои вообичаено покажувале помал износ пред празниците.
Празничната продажба обично се зголемува од година во година, во просек четири проценти годишно од 2000 година, според Здружението на малопродажни компании.
„Бидејќи инфлацијата остана под три проценти, неизвесноста за исходот од претседателските избори е завршена, а изгледите за американската економија се подобрија, се чини дека потрошувачите се подготвени да потрошат малку повеќе од вообичаено за празнични подароци“, заклучува Галуп.
