Преговорите на Турција со Русија за склучување договор за гасен центар се во тек. Центарот во Истанбул би можел да профункционира во 2025-та година. Ова го изјави турскиот министер за енергетика Алпарслан Бајрактар.
„Создадовме силна трговска инфраструктура која може да биде оперативна веќе во 2025-та година. во финансискиот центар во Истанбул во рамките на партнерството меѓу Боташ и Гаспром, изјави Бајрактар за Милиет.
„Испративме (Русија) меморандум за разбирање“, рече Бајрактар, додавајќи дека рускиот претседател Владимир Путин му рекол на турскиот колега Ердоган дека ќе му даде инструкции на Гаспром за гасниот центар. Бајрактар, исто така, најави дека ќе се воспостави Индекс на гас во Истанбул, што значи дека цените на гасот ќе бидат поставени во Истанбул и Русија ќе го продава својот гас по цени врз основа на овој индекс.
Турција, која ја најави својата амбиција да стане центар за гас преку зголемување и на увозот и на извозот, е во процес на преговори за договори за снабдување со производителите и потрошувачите.
За време на посетата на Ердоган на Русија на самитот на БРИКС во октомври, турските и руските лидери продолжија да разговараат за начините за развој на потенцијалот и спецификите на проектот за создавање гасен центар во Турција.
Идејата за гасен центар во Турција првпат беше изнесена од рускиот претседател Владимир Путин во октомври 2022-ра година, по експлозиите на гасоводот „Северен тек“.
Турскиот претседател Реџеп Таип Ердоган изрази значителен интерес за идејата додека Русија се обидува да ја замени изгубената продажба во Европа. Напорите на земјата да стане гасен центар продолжија во септември 2023-та година, кога Путин и Ердоган се сретнаа во Сочи. На состанокот беше споменат патната карта меѓу руската енергетска компанија Газпром и турската корпорација за нафтоводи Боташ, а следниот чекор е создавање на заедничка работна група.
