Кандидатот на Републиканската партија на претседателските избори во САД, Доналд Трамп, денеска изјави дека ќе воведе царина од 25 отсто за производите од Мексико доколку претседателката на земјата, Клаудија Шејнбаум, не ја запре илегалната имиграција преку границата меѓу САД и Мексико.
„Ќе ја известам на или пред првиот ден (од мандатот) дека ако не го спречат овој прилив на криминалци и дрога кои доаѓаат во нашата земја, веднаш ќе воведам царина од 25 проценти за се што ќе испратат во САД. “, рече Трамп на митинг во Рајли во Северна Каролина.
Поранешниот претседател предупреди дека ќе ја зголеми тарифата на 50 проценти или повеќе доколку првичниот план не успее, пренесува CBS News.
Тој истакна и дека за време на администрацијата на актуелниот претседател Џозеф Бајден, Мексико станал главен трговски партнер на САД, што, како што оцени, било спротивно на интересите на Вашингтон.
Трамп им кажа на толпата дека го води демократскиот ривал Камал Харис во сите седум клучни држави кои се очекува да одлучат за исходот на изборите, вклучително и Северна Каролина.
