Извештајот на ниво на европските градови покажува дека само 47 отсто од жителите на Скопје се задоволни од јавниот превоз во градот што ги класифицира меѓу најнезадоволните жители во Европа кога станува збор за јавниот превоз.
Седум од 10 жители во Европа, генерално, се задоволни од јавниот превоз во нивниот град, се вели во извештајот на Европската комисија што го објави „Евроњуз“.
Помало е задоволството во Никозија, Белград, Подгорица, Тирана и во Рим.
Најмногу граѓани изразиле задоволство од јавниот превоз во европските метрополи Виена, Хелсинки, Осло, Прага и Луксембург.
Задоволство од јавниот превоз кај жителите на европските градови
„Кога се споредуваат факторите, како што се цената, безбедноста, колку често сообраќаат и колку се држат до распоредот, постои географски тренд, каде што градовите од северна и западна Европа чувствуваат поголемо задоволство од јавниот превоз, а градовите од јужна и источна Европа покажуваат пониски стапки на задоволство.
Оваа разлика е уште поголема меѓу градовите што не се главни, со стапки што варираат од 22 отсто во италијанскиот Палермо до 95 отсто во швајцарскиот Цирих.
Кога станува збор за чувството на сигурност во јавниот превоз, скопјани се трети на листата од назад.
Перцепција на сигурност во јавниот превоз во европските градови
Зад Скопје по ова прашање се само Тирана и Рим, каде што жителите се изјасниле дека имаат најниско ниво на сигурност во превозот.
