Германија е во блага рецесија, а производството во текот на 2024-та година ќе остане непроменето. Ова го покажува истражувањето на „Bloomberg“, кое ја истакнува неповолната слика во најголемата европска економија.
Анкетираните аналитичари проценуваат дека бруто домашниот производ на земјата се намали за 0,1 отсто во третиот квартал по ненадејното намалување со иста големина во вториот квартал. Пред еден месец тие сè уште предвидуваа стагнација помеѓу јули и септември.
Нивната прогноза за цела година, исто така, означи надолна ревизија од претходно прогнозираното проширување од 0,1%. Сепак, таа е малку пооптимистичка од онаа на владата, која минатата недела ја намали прогнозата на контракција од 0,2%.
Германските неволји се повторно во центарот на вниманието, со отпуштањата во некои од нејзините водечки индустриски фирми кои дополнително го зголемуваат мракот. Слабоста најмногу се должи на прекините во снабдувањето со енергија од Русија, разочарувачката побарувачка од Кина, проблемите меѓу производителите на автомобили и недостигот на квалификувани работници.
Намалувањето на БДП-то во 2024-та година би било само втор случај на намалување во последователни години од повторното обединување на Западна и Источна Германија во 1990-та година. Во 2023-та година, Германија беше единствената економија на Г-7 со пад – за 0,3%.
За 2025-та година, аналитичарите очекуваат раст од 0,8%, во споредба со 1% претходно. Новите владини прогнози предвидуваат економски раст од 1,1 отсто следната година.
