Тесла го претстави своето роботско такси Cybercab во Калифорнија, а цената е најозборувана работа по церемонијата.
На настанот наречен „We, Robot“, шефот на Tesla, Илон Маск, откри како изгледа првото роботакси на компанијата.
Автомобилот нема ниту волан, ниту педали, а Маск излезе на сцената и рече дека „има уште 20 вакви“. Тој зборуваше за тоа како сегашните транспортни средства се „глупости“, и како автономните автомобили „ќе заштедат време на луѓето и ќе бидат 10 пати побезбедни“.
Маск рече дека цената на автономниот транспорт ќе биде толку ниска што ќе може да се спореди со масовниот транспорт. Тој исто така потврди дека роботаксијата ќе бидат во продажба и изјави дека очекува да чини помалку од 30.000 долари.
Во неговата визија за иднината, луѓето поседуваат неколку роботакси и заработуваат преку мрежа за споделување на возење. На прашањето кога моделот ќе биде достапен, тој одговори дека Tesla ќе започне со изградба на целосно автономен режим за целосно самостојно возење за Model 3 и Model Y во Калифорнија.
JUST IN: Elon Musk officially unveils Tesla $TSLA self-driving Robotaxi. pic.twitter.com/Jr2v9t4tND
— Watcher.Guru (@WatcherGuru) October 11, 2024
Што се однесува до Cybercab, тој треба да започне со производство пред 2027 година, но самиот Маск изјави дека „може да биде многу оптимист кога се во прашање роковите“. Кога станува збор за технологијата што ја користи ова возило, тој истакна дека се работи за „AI и визија“, и дека не му е потребна скапа опрема.
Овој автомобил, можеби треба да се забележи, нема приклучок за полнење, но наместо тоа користи индуктивно полнење, т.е. безжично полнење.
По роботаксито, Маск накратко го претстави и Robovan – автономно комбе кое може да превезува до 20 луѓе и стока, додавајќи дека на овој начин дополнително ќе се намалат трошоците за превоз и патување, бидејќи ќе можат да го користат големи групи како спортски тимови.
