Минатата година „Honor“ го лансираше својот модел од средна класа наречен „Honor X9b“, кој нуди неколку функции за заштита на уредот од паѓање.
Еден од нив беше „Ultra-Bounce Anti-Drop Display“ со материјал што апсорбира удари, за кој „Honor“ тврдеше дека може да издржи пад од висина до 1,5 метри.
„Honor Malaysia“ сега најавува нов, уште поиздржлив уред кој би требало да биде претстојниот „Honor X9c“. Иако немаме вистински увид во деталните спецификации на телефонот, тизерите јасно го означуваат името на уредот и неговата карактеристика на структурна цврстина. „Honor X9c“, како и неговиот претходник, би требало да има цена во сегментот од средната класа, пренесува „GSM Arena“.
