Водечките економски институти ги намалија своите очекувања за економски раст во Германија за оваа година. Очекуваат пад од 0,1 отсто.
Ниту за следните две години водечките економски институти не очекуваат посилен раст на германската економија. За 2025 година очекуваат раст од 0,8 отсто, а за 2026 година раст од 1,3 отсто. Институтите во пролетната прогноза годинава очекуваа минимален раст од 0,1 отсто, а за 2025 година раст од 1,4 отсто.
Покрај слабата економија, германската економија е оптоварена и со структурни промени, изјави Џералдин Дани-Кнедлик од Германскиот институт за економски истражувања. „Декарбонизацијата, дигитализацијата, демографските промени и сè поголемата конкурентна борба со компаниите од Кина и иницираа процеси на структурно прилагодување, кои ги ограничуваат изгледите за раст на германската економија.
Структурните промени и слабите економски услови особено влијаат на преработувачката индустрија, се вели во прогнозата за економски раст. Конкурентноста на производителите на инвестициски стоки и индустриските гранки кои трошат големи количини енергија трпат поради зголемената цена на енергенсите и се посилната конкуренција на квалитетни индустриски производи од Кина, кои го потиснуваат германскиот извоз на светските пазари.
Високите каматни стапки на кредитите и големата економска и геополитичка неизвесност ја оптоваруваат инвестициската активност на компаниите, се вели во прогнозата. „Приватните домаќинства ги штедат своите приходи наместо да трошат парите за изградба на нови станови или производи за широка потрошувачка. Стапката на штедење неодамна изнесуваше 11,3 отсто, што е над долгорочното нормално ниво.
Како дополнителен ризик, водечките германски економски институти наведуваат „значително зголемување на политичката неизвесност, вели прогнозата, повикувајќи се на бројни спорови во владејачката коалиција. Точно е дека иницијативата за раст нуди некои добри идеи, но не придонесува за појасна и попредвидлива економска политика за домаќинствата и бизнисите, се вели во прогнозата.
Како позитивни фактори, економските експерти го наведуваат зајакнувањето на економијата во соседните европски земји, кои се важни пазари за германската економија. Се очекува германските извозници да имаат корист од ова. Сепак, слабоста на економската активност во меѓувреме остава „забележливи траги“ и на германскиот пазар на труд.
„Само во текот на следната година, кога малку ќе закрепне економската активност, повторно може да има намалување на невработеноста.
Учествуваа германскиот институт за економски истражувања DIW од Берлин, ifo Институтот од Минхен во соработка со австрискиот институт за економски истражувања, Институтот за светски економски истражувања од Кил, Институтот за економски истражувања Лајбниц од Хале и Институтот за економски истражувања Лајбниц во заедничката прогноза за растот на германската економија за истражување од Есен во соработка со австрискиот институт за високи студии од Виена.
