Хип-хоп магнатот Паф Диди е уапсен во Њујорк, по рацијата на неговите имоти во Беверли Хилс и Мајами, на кои претходеа сексуални оптужби.
Хип-хоп магнатот Шон Диди Комбс, попознат како Паф Диди или Пи Диди, беше уапсен во Њујорк, по рацијата на неговите имоти во Беверли Хилс и Мајами во март. На рациите им претходеа сексуални оптужби, први поднесени во ноември 2023 година од неговата поранешна девојка Касандра Каси Вентура.
Пред раперот да биде уапсен на Менхетен, тој се шетал низ градот со својот син Кристијан Кејси Комбс, познат и како Кинг Комбс. Носеше долга црна јакна и, иако беше ноќ, носеше црни очила за сонце.
Sean “Diddy” Combs has been arrested in Manhattan after a Grand Jury Indictment
— Kevin Dalton (@TheKevinDalton) September 17, 2024
Combs has been under mounting scrutiny since a 2023 lawsuit by his former girlfriend, Cassie, accused him of sex trafficking and years of abuse pic.twitter.com/c0Ax04JwXK
„Ние сме разочарани од одлуката да го продолжиме погрешното гонење од страна на јавниот обвинител. Шон Диди Комбс е музичка икона, успешен претприемач, љубезен семеен човек и докажан филантроп кој ги помина последните 30 години градејќи империја, посветен на неговите деца и работи за издигнување на афро-американската заедница“, рече адвокатот на познатиот рапер Марк Анџифило, додавајќи:
„Тој не е совршен, но не е ниту криминалец. Секоја чест за г. Комбс што соработуваше со оваа истрага и доброволно се пресели во Њујорк минатата недела во очекување на овие обвиненија. нема што да крие и кој со нетрпение очекува да си го расчисти името на суд“.
Окружниот обвинител на државата Њујорк го објави соопштението на мрежата X (поранешен Твитер), на налогот „САД Демијан Вилијамс“:
„Порано оваа вечер, федералните агенти го уапсија Шон Комбс, врз основа на запечатено обвинение поднесено од SDNI. Очекувајте да го слушнете откривањето на обвинението наутро и ќе имаме повеќе да кажеме тогаш“.
Во јули, NBC објави дека големата порота ги испитува доказите поврзани со истрагата за наводите за сексуална трговија и рекетирање. Потоа, Даун Ричард од Денити Кејн поднела тужба во која се тврди дека Пи Диди сексуално ја злоставувал, омаловажувал и тероризирал.
