„Leica Luxus II“ камерата, која е направена во само четири примероци, наскоро би можела да стане најскапата на светот.
Овој фото-апарат на аукцијата следниот месец ќе излезе со очекуваната продажна цена од 1,62 милиони долари. Вредноста на овој фото-апарат кој е направен со злато и прекриен е со крокодилска кожа, според експертите, вреди околу 500.000-800.000 долари, но поради огромниот интерес за „Leica“ брендот тој на аукцијата ќе ја помине вредноста од милион долари.
„Luxus II“ на подарок го добил сега покојниот британски ентузијаст после Втората светска војна. Тој го користел неколку децении и потоа некаде го оставил. Години подоцна неговиот наследник го пронашол и го однел на саемот за антиквитети каде од експертите дознал дека го поседува можеби најскапиот фото-апарат на светот.
Апаратот моментално се наоѓа на изложба во Лондонската аукциска куќа но наскоро ќе биде испратен во Хонг Конг каде ќе биде понуден на аукцијата „Leica and Classic Camera Sale auction“.