Францускиот електроенергетски оператор „Electricite de France SA“ (EDF) најверојатно ќе го намали производството на нуклеарна енергија од овој викенд поради топлотниот бран во Европа.
Се прогнозира дека во наредните денови во делови од југозападна Европа температурите ќе надминат 40 Целзиусови степени. Жолта фаза за топлотни предупредувања се издадени за поголемиот дел од Шпанија, јужна Франција, Италија и Грција.
Француската компанија користи вода за ладење на реакторите, а прегревањето на реките го загрозува дивиот свет.
Ограничувањата на производството најверојатно ќе влијаат на фабриката „Bugey“ од сабота до четврток следната недела, се вели во соопштението на францускиот мрежен оператор. Од недела може да биде зафатено уште една централа.
Франција има вкупно 56 реактори, што обезбедува повеќе од две третини од енергијата на земјата.
Иако потенцијалните намалувања на производството на енергија не се загрижувачки во однос на снабдувањето, тие би можеле да ги зголемат краткорочните цени на електричната енергија.
Струјата за испорака во петокот во Франција изнесуваше 31,01 евро за мегават час, во споредба со 93,15 евра во соседна Германија на берзата „Epex Spot SE“.
Грција исто така се соочува со многу топло време бидејќи климатските промени ги влошуваат топлотните бранови во регионот. Овогодинешната сезона на пожари е најлоша во последните две децении бидејќи благата зима проследена со потопла пролет ја остави вегетацијата исклучително сува. Пожарникарите ширум земјата се борат со повеќе од 110 пожари оваа недела.
Поголемиот дел од островите во Егејското Море, кои се туристичко жариште, од четврток, се изложени на висок ризик од пожар. Шумскиот пожар во областа Ретимно на централен Крит, кој започна во средата вечерта, сè уште гори, а властите евакуираа две села.
