Поради основната состојка која ја содржи кафето, односно кофеинот, често е мета на истражување, поради неговиот силен ефект. Еден од омилените пијалоци кој е незаменлив дел од утринските ритуали., покрај тоа што инстантно ја зголемува енергијата и не буди, некои студии покажаа дека може да го намали ризикот од срцеви заболувања и дијабетес, а може да влијае и на здравјето на црниот дроб.
Истражувањата покажаа дека кафето има хепатопротективно дејство, што значи дека го штити црниот дроб од оштетување. Пред да научите како целото кафе влијае на црниот дроб, имајте на ум дека ова се однесува на црното кафе, без никакви адитиви и дека сè што ќе додадете во него може да ги намали ефектите што ги има.
Се верува дека кафето може да заштити од фиброза на црниот дроб
Фиброзата на црниот дроб е сериозен здравствен проблем кој се јавува поради акумулација на ткиво со лузни на црниот дроб. Со текот на времето, таа почнува да влијае на функционирањето на црниот дроб, но во пораните фази, фиброзата може да се „преврти“ со промена на животните навики и користење на соодветни лекови.
Една студија објавена во списанието за хепатологија покажа дека редовното консумирање кафе (и чај) помага да се намали ризикот од фиброза на црниот дроб. Еден начин за тестирање на фиброза е со мерење на цврстината на црниот дроб, а оваа студија покажа дека органот е „помек“ кај оние кои пијат кафе.
Кафето добро делува на ензимите
Во црниот дроб има ензими кои забрзуваат одредени процеси во организмот, како што се разградувањето и елиминацијата на токсините, производството на жолчка и слично. Ако телото произведува премногу ензими, тие можат да влезат во крвотокот, што може да биде знак за оштетување на црниот дроб или болест. Истражувањата покажаа дека консумацијата на кафе може да ја намали концентрацијата на ензими во црниот дроб, а со тоа го намалува ризикот од болести и оштетување на тој орган.
Внимавајте со количината
Освен што позитивно влијае на организмот, кафето може да биде и негативно доколку претераме. Исто така, луѓето кои имаат сериозни здравствени проблеми треба да се консултираат со својот лекар за консумирање кафе.
