Цената на златото се приближи до ново рекордно високо ниво, откако послабите од очекуваните податоци за работните места во САД ги потврдија очекувањата дека Федералните резерви наскоро ќе почнат да ги намалуваат каматните стапки.
Вработувањето во САД забави повеќе од предвиденото во јули, а стапката на невработеност се искачи на највисокото ниво во речиси три години. Ова сугерира дека пазарот на трудот во земјата се лади побрзо отколку што сугерираат другите податоци.
Non farm payrolls се зголемија за само 114.000 во јули, помалку од 179.000 пријавени во јуни и под проценката на Dow Jones од 185.000. Стапката на невработеност во САД се искачи на 4,3%, што е нејзино највисоко ниво од октомври 2021-ва година.
Просечната часовна заработка, внимателно следен барометар на инфлацијата, се зголеми за 0,2% за месецот и 3,6% во однос на претходната година. Двете бројки беа под соодветните прогнози од 0,3% и 3,7%, според податоците објавени во петокот.
Приносите на државниот трезор и доларот паднаа по објавувањето на податоците, што му помогна на благородниот метал да добие дури 1,3% до 2.477,68 долари за троја унца. Тоа е помалку од 10 долари од историскиот максимум од 2.483,73 долари постигнат минатиот месец.
Во средата, претседателот на Федералните резерви Џером Пауел сигнализираше дека централната банка би можела да ги намали стапките на следниот состанок доколку податоците продолжат да го поддржуваат ставот дека американската инфлација слабее. Финансиската институција на крајот на вчерашната дводневна седница ги задржа каматните стапки непроменети.
