Европската централна банка ги задржа високите каматни стапки, инфлацијата висока и во следната година

Во четвртокот Европската централна банка (ЕЦБ) ги задржа каматните стапки на 3,75 отсто непроменети, што беше очекувано, без да даде никакви индикации за следниот потег. Банката соопшти дека домашните ценовни притисоци остануваат високи и дека инфлацијата ќе биде над целта од 2 отсто уште една година.

ЕЦБ минатиот месец ги намали рекордно високите каматни стапки, а некои од нејзините креатори на политиката сметаа дека потегот е предвремен откако запре во намалувањето на инфлацијата до целта од 2%. Имајќи предвид дека домашната инфлација останува тврдоглаво висока и растот на платите стабилен, банката најверојатно ќе биде повнимателна во однос на следниот чекор.

ЕЦБ објави избалансирана порака по состанокот во четвртокот, тврдејќи дека корпоративниот профит апсорбира одреден притисок врз цените, но дека ризиците остануваат и дека се потребни повеќе докази пред креаторите на политиката да донесат нова одлука за намалување на каматните стапки.

„Притисоците врз домашните цени се сè уште високи, инфлацијата на цените на услугите е зголемена, а вкупната инфлација веројатно ќе остане над целта и во наредната година“, се вели во соопштението на ЕЦБ, пренесува Ројтерс.