Во Хрватска просечната месечна нето-плата по вработен за април годинава изнесува 1.323 евра, а медијалната плата 1.110, покажуваат денеска објавените податоци на Државниот завод за статистика.
Според податоците што ги пренесуваат локалните медиуми, просечната плата за април е номинално повисока за речиси 18 отсто во однос на истиот месец лани, а реално за 13,7 отсто.
Највисока просечна нето плата во април е исплатена во дејности на информатичка служба, 2.483 евра, а најниска во производство на облека, 837 евра.
Мдијалната плата била 1.110 евра, односно половина од вработените имале помалку, а половина повеќе од таа сума.
