Завршена е изградбата на „Водоводна линија 2“ од Филтер станицата до непосредна близина на Технолошко индустриката развојна зона (ТИРЗ) во приградската населба Три чешми.
Директорот на ЈП Исар, Никола Мицевски, вели дека првата фаза од „Водоводна линија 2“ е изградена со средства на Владата, по што ќе следи и приклучување на индустриската зона на Филтер станицата.
– Сега следува приклучувањето, но и поставување на протокомерот за ТИР зоната од страна на ЈП „Исар“, рече Мицевски. Тој најави дека во март, со подобрување на временските прилики, ќе почне и дел од втората фаза, во која се вклучени изградба на цевковод низ неколку населби до бањата Кежовица и два резервоари во населбата Пребег.
Средствата за втората фаза на „Водоводна линија 2“ во висина од 860.000 евра се обезбедени преку грант, кој општина Штип го добива од Владата, преку заем од Европската банка за обнова и развој.
