20 јули, 2024
ПочетнаСВЕТГрција: Огномет од јахта предизвика голем шумски пожар, 13 уапсени

Грција: Огномет од јахта предизвика голем шумски пожар, 13 уапсени

Тринаесет лица се уапсени откако избувна шумски пожар на грчкиот остров Хидра, кој според властите бил предизвикан од огномет испукан од јахта.

Пожар ја изгоре единствената борова шума на популарниот туристички остров јужно од Атина во петокот, напишаа официјални лица на Фејсбук.

Пожарот сега е ставен под контрола, но пожарникарите имаат потешкотии да го изгаснат.

Бидејќи нема патишта до плажата, пожарникарите морале да пристапат по море, додека хеликоптери фрлале вода од воздух.

Во соопштението во саботата, грчката противпожарна служба рече дека сите 13 уапсени се грчки државјани и дека ќе се појават пред обвинителите во недела.

Во соопштението не се споменува јахтата.

Причината за пожарот предизвика гнев во Грција, која веќе се бори со неколку шумски пожари и е зафатена од првиот топлотен бран годинава.

„Ние сме револтирани што некои луѓе толку неодговорно пукаат со огномет кон боровата шума“, изјави градоначалникот на Хидра, Јоргод Кукудакис, за грчката телевизија ЕРТ.

Осуди имаше и на социјалните мрежи: „Богати со вишок пари и без мозок“, гласеше еден коментар.

Грција е во состојба на готовност поради шумски пожари од вторникот, а властите се подготвуваат за тешко лето бидејќи се предвидуваат високи температури, суво време и силен ветер.

Во петокот, 55-годишен пожарникар доброволец почина од повредите со кои се здоби при гаснење на пожар во јужниот регион Илија на полуостровот Пелопонез.

Летните пожари се вообичаени во Грција, а научниците ја поврзуваат зголемената фреквенција и интензитетот на екстремните временски настани, како што се топлотните бранови, со климатските промени.

Но, Грција има проблем и со подметнувачите на пожари – во август минатата година беа уапсени најмалку 79 лица за катастрофални пожари.

Претходно оваа година Грција донесе построги закони за предизвикување пожари, при што на сторителите им се заканува затворска казна до 20 години и парични казни до 200.000 евра.

НАЈНОВИ ВЕСТИ

ХОРОСКОП