Рециклираниот метал ќе поттикне огромен бран кај алуминиумот кој ќе се појави на глобалните пазари бидејќи индустријата е под поголем притисок да се декарбонизира.
Во петте години до крајот на 2026-та година, светот ќе додаде 22 милиони тони годишен алуминиумски капацитет од отпад, проценува Хорхе Васкез, управен директор на индустриската консултантска компанија „Harbour Aluminium“. Само во Кина, проектите за проширување ќе додадат околу 15 милиони тони нов секундарен капацитет во овој период.
„Скрапот е новата алуминиумска руда“, истакна Васкез на најголемата конференција за алуминиум во Северна Америка.
Цените на алуминиумот се зголемија за 11% од почетокот на годината, создавајќи поттик за рециклаторите да бараат дополнителни извори на отпад. Во последниве години, примарните рафинери на алуминиум, исто така, се соочуваат со периодични контракции на профитабилноста што произлегуваат од скоковите во цената на енергијата и суровините, додека се под притисок да ги намалат емисиите.
Во Кина, Пекинг воведе ограничување на вкупниот капацитет за производство на алуминиум во земјата, а многу аналитичари и трговци очекуваат глобалните цени нагло да се зголемат кога производството ќе ја достигне таа граница. Зголемувањето на производството од секундарни извори може да помогне да се пополни празнината, но предизвикот ќе дојде во изнаоѓање доволни количини отпад за напојување на фабриките додека тие се шират.
„Harbour“ прогнозира дека нето зголемувањето на секундарното производство во Кина до крајот на 2026-та година ќе биде околу 6,3 милиони тони, што значи дека погоните ќе работат далеку под капацитетот.
Во САД, рециклираниот алуминиум ќе сочинува две третини од непреработените резерви до крајот на 2026 година, што е повеќе од 45% во 2015 година, велат од „Harbour Aluminium“.
Минатиот јули, „Rio Tinto Plc“ купи 50% од акциите на северноамериканскиот производител на отпад од алуминиум „Matalco Inc“. Пред неколку дена „Norsk Hydro ASA“ инвестираше 85 милиони долари во производството на рециклирани автоделови од алуминиум во својата фабрика во Кентаки.
„Ова е она што нашите клиенти го сакаат. Тие сакаат помал јаглероден отпечаток за нивните производи бидејќи им ветија на своите клиенти дека ќе го сторат тоа“, рече на истата конференција Данкан Пичфорд, шеф на Hydro Aluminium Metals USA.
Рециклирањето на алуминиум не само што е поевтино, туку е и многу помалку енергетско интензивно од примарното производство. Главните предизвици овде се да се подобри ефикасноста на собирањето и преработката на отпадот.
„Откако ќе го заситите пазарот со материјал за повеќекратна употреба, одговорноста е повторно да го користите. Ова е една од работите што го намалува севкупниот јаглероден интензитет на производството на алуминиум во Северна Америка“, рече Чарлс Џонсон, извршен директор на Здружението за алуминиум.
„Оваа дополнителна понуда ќе го задржи пазарот на алуминиум во вишок и – заедно со високите каматни стапки – ќе ги спречи цените на Лондонската берза за метали да добијат замав“, рече Васкез.
