Бројот на отворени работни места во американската економија падна повеќе од очекуваното во април, паѓајќи на најниско ниво во последните три години, покажуваат податоците од извештајот JOLT на Министерството за труд.
Бројот на отворени работни места е намален на месечно ниво за 296 илјади на 8,06 милиони, наспроти консензусот од 8,36 милиони, што е најниско ниво на овој показател од февруари 2021 година.
Бројката за март е ревидирана на 8,36 милиони, наместо претходно објавената бројка од 8,49 милиони, пишуваат аналитичарите на Моментум.
Бројот на слободни работни места продолжи да се намалува во април.
Последниот ден од април имаше 1,24 отворени работни места на еден невработен работник, што е намалување од 1,30 во март и најниско ниво од јуни 2021 година.
Американската централна банка, ФЕД, многу внимателно го следи овој сооднос, кој на врвот на пазарот на трудот, во пролетта 2022 година, изнесуваше околу 2,0 отворени работни места по невработено лице.
Сепак, во текот на април се зголеми бројот на лица кои доброволно ги напуштија своите работни места и овој индикатор претставува многу добра мерка за довербата на работниците во пазарот на трудот. Бројот на откази е зголемен за 98 илјади на 3,51 милиони, а стапката на откази е непроменета во однос на претходниот месец на 2,2 отсто.
