Во тенџере ставете листови од коприва, лимон исечкан на прстени и вода – поклопете и оставете да отстои 24 часа. После тоа, процедете сè така што ќе ставите газа на ситото.
Соберете ги младите листови (врвот на копривата и 3 до 4 реда под врвот) некаде во природа каде што нема сообраќај, малку индустрија и загаден воздух. Шеќерот можете да го замените со стевиа или поголема количина мед.
Овој сируп е одличен за целото тело, одличен е против алергии, проблеми со варењето и анемија и го зајакнува имунитетот.
Состојки:
800 гр листови од млада коприва
15 лимони
1,5 кг шеќер
10 лажици ливадски мед
2 литри вода
Постапка:
Во тенџерето ставете листови од коприва, лимон исечкан на прстени и вода – поклопете и оставете да отстои 24 часа. После тоа, процедете сè така што ќе ставите газа на ситото. Со раце исцедете ги лимонот и копривата за да излезе што повеќе сок.
На крајот додадете шеќер (или друг засладувач) и оставете да отстои неколку часа, повремено мешајќи додека не се раствори целиот шеќер. Готовиот сируп истурете го во стерилизирани шишиња и чувајте го на ладно место. Ако сакате вашиот сируп да трае подолго, можете да го пастеризирате.
