29 мај, 2024
ПочетнаЕКОНОМИЈАСи Џинпинг ја предупреди Германија да не поставува трговски бариери

Си Џинпинг ја предупреди Германија да не поставува трговски бариери

Кинескиот претседател Си Џинпинг го предупреди канцеларот Олаф Шолц да не поставува трговски бариери. Тој го отфрли ставот дека Германија зависи од кинескиот увоз и оцени дека економската размена е придонес за стабилноста, а не закана.

Германија и Кина зависат од индустријата и ја поддржуваат слободната трговија, рече Си на состанокот со Шолц во Пекинг. Канцеларот е во тридневна посета на Кина, јавува ДПА.

„Во оваа смисла, двете страни треба да го избегнуваат протекционизмот“, додаде Си.

Во 2023 година, Германија усвои нова стратегија за Кина, која предвидува намалување на зависноста во одредени стратешки области, а со тоа и намалување на ризиците. Си ја отфрли трговијата со Кина како ризик за Германија. Напротив, додаде тој, трговијата „гарантира стабилни односи“.

Сепак, Пекинг беше обвинет дека масовно го субвенционира производството за да ја намали цената на, на пример, електричните автомобили, литиумските батерии и соларните панели.

НАЈНОВИ ВЕСТИ

ХОРОСКОП