22 мај, 2024
ПочетнаЕКОНОМИЈАЕкономистите: Помина големиот бран на инфлација во Германија

Економистите: Помина големиот бран на инфлација во Германија

Напливот на вжештена инфлација во Германија помина, изјави во петокот главниот економист на Декабанк, Улрих Катер, по објавувањето на податоците за мартовските цени на мало.

Оправданата паника на граѓаните за инфлацијата е зад нас“, рече тој, пренесува ДПА.

Малку порано, Федералното биро за статистика објави податоци за инфлацијата во кои за прв пат по повеќе од девет години е вклучена и цената на храната. Годишната стапка на инфлација, во согласност со претходните проценки, падна на 2,2 отсто, што е најниско од мај 2021 година. Инфлацијата последен пат беше пониска на точно два отсто во април истата година.

Инфлацијата и натаму беше 2,5 отсто во февруари, а 2,9 еден месец претходно.

„Движењата на цените на енергијата и храната втор месец по ред ја кочат инфлацијата. За прв пат од февруари 2015 година храната беше поевтина од една година претходно“, изјави претседателката на институцијата Рут Бренд.

Имено, од март 2023 година храната поевтинила за 0,7 отсто. Енергенсите паднаа за 2,7 отсто за 12 месеци и покрај истекувањето на субвенциите за граѓаните и стопанството и зголемувањето на данокот на јаглерод диоксид. Гасот, на пример, поевтини за 9,7 отсто, а струјата за 8,1 отсто.

Парното, пак, значително поскапе за 20,6 отсто, а поскапеа и услугите за 3,7 отсто.

Економистите очекуваат дополнително ублажување на инфлацијата. Според нивната проценка, просекот ќе се намали од минатогодишните 5,9 отсто на 2,3 отсто во 2023 година.

Стапката на инфлација укажува на општиот раст на цените на илјадници производи и услуги во малопродажбата. Како по правило, силната инфлација го надминува растот на приходите и ја еродира куповната моќ на граѓаните – со други зборови, тие можат да платат за помалку стоки или услуги за иста сума на пари.

Под налетот на инфлацијата од претходните неколку години, многу граѓани мораа внимателно да ги планираат своите трошоци. Затоа опадна и приватната потрошувачка, важен столб на домашната економија. Во месечна споредба, мартовската инфлација изнесуваше 0,4 отсто.

НАЈНОВИ ВЕСТИ

ХОРОСКОП