Три дена по неофицијалниот избор на ЕВН Хоум за старо нов универзален снабдувач, нема официјална информација како се одвивал изборот и како течела аукцијата, кој според повикот требаше да се спроведе јавно.
Владината Комисија за избор на УС, иако беше најавено, не излезе јавно со извештај кој од апликантите на јавниот повик ги исполнил условите предвидени во тендерот и кој добил покана да учествува на аукцијата.
Дека изборот е направен од Владата за ова брифираа само дел од медиумите истакнувајќи дека извештајот од аукцијата ќе биде разгледан на некоја следна владина седница, по што ќе биде донесена одлука дали исходот од аукцијата ќе биде прифатен.
За експертите, сета оваа мистерија околу изборот на универзален снабдувач отвора сериозни дилеми за регуларноста на постапката. Потсетуваат дека пред пет години јавноста имаше речиси комплетен увид во текот на целата постапката. Изборот во 2019 година беше направен според т.н. „отворена процедура“ кој овозможува висока ниво на транспарентност и фер конкуренција согласно Законот за јавни набавки.
Оваа постапка, се чини, овој пат изостанала, бидејќи пред информацијата дека ЕВН Хоум и во следните пет години ќе ги снабдува домаќинствата и малите потрошувачи со електрична енергија нема никаква информација за текот на постапката, ниту најава за одржување на аукција со негативно наддавање.
Согласно повикот, единствен услов за избор на УС беше понуда на најниска профитна маржа. А, на повикот покрај ЕВН Хоум се пријавија и ЕСМ Продажба и приватната компанија ЕДС.
