Вкупно 867.000 тони чоколадо и чоколадни табли се извезени во 2023-та година од земјите членки на Европската унија во трети земји, покажуваат денеска објавените податоци на Евростат.
Ова бележи зголемување од 2% во однос на 2022 година, кога беа извезени 852.000 тони, и скок од 35% во однос на 2013-та година.
Најголеми извозници во земјите надвор од ЕУ се Германија со 221.000 тони или 26% од вкупниот извоз на чоколадо, потоа Холандија (123.000 тони, или 14%), Полска (115.000 тони), Белгија (96.000 тони, или 11%), Италија (92.000 тони, или 11%). Овие пет европски земји се одговорни за три четвртини од вкупниот извоз на чоколадо од ЕУ во други земји.
ЕУ извезла најмногу чоколадо во Обединетото Кралство (315.000 тони или 36% од вкупниот извоз), САД (72.000 тони или 8%), Русија (65.000 тони или 7%), Канада (31.000 тони или 4%) и Австралија (27.000 тони или 3%).
Главниот увоз на чоколадо во ЕУ од други земји се должи на Швајцарија (62.000 тони, или 36%), Обединетото Кралство (61.000 тони, или 36%), Украина (22.000 тони, или 13%), Турција (7.000 тони, или 4%) и Норвешка (3.000 тони, или 2%).
Во меѓувреме, какаото оваа недела достигна рекордно ниво на светските пазари, што влијае и на производителите на чоколада. На скапото какао мора да се додаде и путерот од какао, чија цена исто така брка рекордни вредности.
