Како летното сметање на времето влијае на здравјето?
Летното сметање на времето е пред нас! Во недела, на 31 март, часовникот во Македонија ќе се за еден час напред. Многумина мислат дека ова е мала промена, но може да има значително влијание врз нашето физичко и психичко здравје. Постојат групи на луѓе кои се поподложни на промени за време на смената на часовникот, па затоа е важно да знаете што може да донесе овој период.
Промени поврзани со промената на часовникот
Промената на часовникот може да влијае на сонот и на биолошкиот ритам на телото. Летното сметање на времето значи дека деновите се подолги и многу луѓе прават промени во распоредот. Ова може да доведе до нарушен ноќен одмор, несоница и намален квалитет на спиење. Проблемите со заспивањето или будењето може да доведат до замор, неможност за концентрација и губење на фокусот во текот на денот.
Зголемен стрес
Менувањето на часовникот може да го зголеми ризикот од срцеви заболувања како што се срцев удар и хипертензија. Ако веќе имате кардиоваскуларни проблеми, овие промени може да предизвикаат срцева слабост, висок крвен притисок, повеќе аритмии и други проблеми со срцето. Бидејќи кардиоваскуларниот систем транспортира кислород и други хранливи материи до сите органи, секој „неуспех“ во неговото функционирање може да доведе до сериозни здравствени последици.
Влошување на менталното здравје
Има луѓе кои доживуваат влошување на расположението, раздразливост и психичка непријатност по менувањето на часовникот. Ова може да се должи на промени во дневната рутина.
Најпогодени групи на луѓе
-Луѓе со нарушено спиење
-Луѓе со кардиоваскуларни заболувања
-Деца и адолесценти
Како да се намали влијанието на промената на часовникот
-Постепено прилагодување – неколку дена пред промена на часовникот, легнете 15-30 минути порано
-Одржувајте го ритамот на спиење – обидете се да одржувате редовен распоред за спиење, станувајќи и легнувајќи во исто време
-Физичка активност – бидете активни и правете вежби кои ќе ви помогнат да спиете подобро
