Клиентите на банките во Германија плаќаат високи банкарски провизии за основни сметки во споредба со другите земји од ЕУ, покажува анализата на центрите за советување потрошувачи.
Давачките можат да бидат и до 28 евра месечно, пишува „Шпигел“ повикувајќи се на анализата на Федералната асоцијација на потрошувачки центри.
-Трошоците за одржување основна сметка во Германија се убедливо најголеми во Европа – изјави Рамона Поп, претседателка на ова здружение, додавајќи дека истата услуга чини 13 евра во Данска и 10 во Финска. Во Франција, Ирска и Полска одржувањето тековните сметки се бесплатни бидејќи се неопходни за основни цели, како што се исплата на плати или плаќање на комунални услуги.
Од 2016 година, секој германски државјанин има право на тековна сметка како резултат на директивата на ЕУ, додека претходно оние без постојан престој или бегалци, на пример, честопати имаа потешкотии да отворат банкарски сметки.
-Животот во современото општество е незамислив без банкарска сметка – рече Поп.
