Ако сакате да купите теле кое е растено во крајно еколошки предели и е хрането со крајно органска и чиста трева, тогаш ќе треба да издвоите околу 250 денари за килограм жива мера.
Ова во разговор со екипата на Денар го потврди сопственикот на една фарма во долненските села, објаснувајќи ни ги и изнесувајќи ни ги детаите за поскапувањето и за начинот на одгледување.
Говорејќи за органското телешко месо, сопственикот на фармата истакнува дека оваа година цената на телињата изнесува 4 евра или 250 денари за килограм. Овие цени се резултат на неговата посветеност кон традиционалниот начин на одгледување на говедата.
Во моментов поседува околу 50 грла говеда кои ги одгледува на стар традиционален начин, секојдневно изнесувајќи ги на пасишта кои се еколошки и чисти.
Оваа негова „жртва“ не само што гарантира квалитетно месо, туку и спроведува одговорност кон природата.
„Нашите говеда се хранат чиста природна храна, без употреба на хемикалии и вештачки додатоци. Тие се здрави и среќни, што се одразува на квалитетот на месото”, изјави фармерот.
Освен продажбата на телиња, тој живее и од продажбата на млеко и сирење. Неговата фарма го поддржува локалното општество и ги обезбедува со свежи и здрави производи.
Изјава од скопјанец кој неодамна купил теле од прилепското село Црнилиште дополнително го потврдува квалитетот на органското месо.
Господинот Трајко Петровски, кој платил околу 24.000 денари за теле кое тежело околу 100 килограми, вели дека месото од тоа теле се разликувало од месото купено во месарница.
“Фармерот ми објасни дека говедата ги одгледува на најеколошки начин, без употреба на хормони и антибиотици. Вкусот и текстурата на месото беа неверојатни”, изјавува господин Петровски.
Органското телешко месо од ваквите фарми претставува комбинација од традиционални вредности и одговорност кон природата, што го прави популарен избор за сите кои ценат квалитет и прекрасен вкус.
Б.З.М.
