Глобалниот пазар на никел може да се соочи со изненадувачки недостаток во оваа година доколку растот на производството во Индонезија биде ограничен со бавен процес на одобрување на рударството, предупреди „Macquarie Group Ltd.“, цитиран од „Bloomberg“.
Иако основното сценарио на банката предвидува вишок од помалку од 40.000 тони, тоа би можело да се промени доколку одобрувањата во Џакарта заостанат и растот на домашното производство во цела година падне под 13 отсто, велат аналитичарите во белешката.
„Ова е голема промена од нашите последни прогнози“, напишаа тие.
Референтните цени на никелот паднаа за 45% минатата година, најмногу поради огромниот пораст на понудата од Индонезија, која ја надмина неограничената побарувачка од секторите од не’рѓосувачки челик и батерии. Сепак, издавањето на дозволи во Индонезија за оваа година – без кои производителите не можат да работат – е одложено, поради што владата вети дека проблемот ќе се реши веќе овој месец.
Надвор од Индонезија, залихите создадени во Кина во минатата година, исто така, можеби биле помали од претходно проценетите, со оглед на зголемувањето на потрошувачката поголемо од очекуваното, велат аналитичарите, повикувајќи се на теренски истражувања. Како резултат на тоа, се чини дека пазарот е поблиску до рамнотежа отколку што се мислеше, додаваат тие.
Никелската руда во Индонезија се тргува со премија од повеќе од 7 долари за тон во однос на минималната продажна цена на владата, велат од „Macquarie“. Тоа би додало околу 700 долари за тон на трошоците за производство во земјата, проценува банката.
Тоа би било големо олеснување за рударските компании и рафинериите на други места, кои се соочуваат со сериозни пореметувања бидејќи огромното евтино производство на Индонезија ги прави неконкурентни. Септиан Харио Сето, владин претставник задолжен за проширување на секторот за рафинирање на никел во земјата, рече дека цените веројатно нема да пораснат многу над 18.000 долари за тон на Лондонската берза за метали.
