Луксузниот моден бренд „Armani“ ни го претставува своето најново специјално издание, но овој пат од чоколадо – „Armani Fondente“…
Направени се четири верзии од овие „Armani Fondente“ чоколадни бонбони, со најдобрите видови на какао, кои се помешани на четири различни начини: „Struttato“ верзијата има богата и моќна арома, „Vellutato“ има деликатна ванила, „Elegante“ претставува елегантна мешавина и „Contemporaneo“ е мешавина од тутун и дрво со навестување на свежо овошје.
Овие бонбони во ограничено издание се претставени во елегантна, драгоцена кутија со бронзен сјај и постава од свила со бисерни нијанси. Цената на ова специјално издание на модниот бренд е 120 евра, а може да се купи во секоја „Armani“ и „Dolce“ продавница.
