На Wall Street, цените на акциите паднаа во вторникот, најмногу во секторот на производители на чипови, што е резултат на притисокот врз акциите на Nvidia пред објавувањето на нејзините квартални деловни резултати.
Dow Jones загуби 0,17 отсто, на 38.563 поени, додека S&P 500 се лизна за 0,60 отсто, на 4.975 поени, а индексот Nasdaq 0,92 отсто, на 15.630 поени.
Се чекаат кварталните резултати на Nvidia
Бидејќи во понеделникот САД не работеше поради празникот, во вторник започна работната недела со пад на индексот. Најмногу паднаа цените на акциите, во просек за 1,6 отсто во секторот производители на чипови, што најмногу беше последица на падот на цената на Nvidia од 4,3 отсто.
Таа акција е под притисок бидејќи во среда, по затворањето на пазарот, Nvidia ќе ги објави своите квартални деловни резултати, кои ќе покажат дали силниот раст на вредноста на компанијата во текот на изминатата година, за речиси три пати, е оправдан.
Благодарение, имено, на еуфоријата околу развојот на вештачката интелигенција, цената на акциите на Nvidia водеше во тој период на раст во технолошкиот сектор, па Nvidia стана трета американска компанија по пазарна вредност.
Акциите на Walmart се искачија на рекордно високо ниво
И додека технолошкиот сектор вчера беше под притисок, цените на акциите во трговскиот сектор пораснаа, во просек за 1,1 отсто. Тоа е во голема мера благодарение на цената на акцијата на Walmart што се зголеми на рекордно високо ниво, откако трговецот на мало ги подобри проценките за оперативните резултати за тековната фискална година и ја зголеми годишната дивиденда за девет проценти.
По силниот раст на почетокот на годината, Wall Street претпазливо се тргува во последниве недели бидејќи сеуште високата инфлација ги намали надежите дека американската централна банка агресивно ќе ги намали каматните стапки оваа година.
И на повеќето европски берзи цените на акциите вчера паднаа. Лондонскиот FTSE индекс ослабе за 0,12 отсто, на 7.719 поени, а франкфуртски DAX за 0,14 отсто, на 17.068 поени. Парискиот CAC зајакна, пак, за 0,34 отсто, на 7.795 поени.
