Како што пренесува Гардијан, социјалната мрежа Х, порано позната како Твитер, се чини дека ја суспендирала сметката на Јулија Навални, вдовицата на Алексеј Навални, рускиот опозициски лидер кој во петокот почина во затвор во Арктичкиот круг.
47-годишната Навални ги обвини руските власти дека го убиле нејзиниот сопруг, го сокриле неговото тело и чекале од него да исчезнат трагите од нервниот агенс „новичок“.
Претходно денеска се огласи Људмила Навални, мајка на Алексеј Навални, барајќи од претседателот Владимир Путин да го предаде телото на нејзиниот син.
„Владимир Путин… дозволете ми конечно да го видам мојот син“, рече Навални во видео пораката, пренесува Ројтерс.
Навални (47) почина во затвор на 16 февруари, изјави неговата официјална портпаролка Кира Јармиш, повикувајќи се на порака од мајката на Навални и оспорувајќи го официјалното објаснување на Русија дека Навални починал при пад.
Рускиот опозициски лидер одлежа една деценија затвор по различни обвиненија, од кои последното беше 19 години по шест точки.
Тој е зад решетки откако се врати од Германија во јануари 2021 година, под обвинение што ги отфрли како политички мотивирани.
