Германската владејачка коалиција треба да биде поамбициозна и да ги забрза структурните реформи неопходни за поголема конкурентност на економијата, изјави министерот за финансии и лидер на либералите Кристијан Линднер.
Линднер и министерот за економија Роберт Хабек, член на Партијата на зелените, се согласија, според Линднер, дека Германија повеќе не е конкурентна, јави ДПА. Причината не е само слабата глобална економија, туку и лошите структурни услови.
„Од ова ќе ги научиме потребните лекции – се надевам“, рече Линднер, додавајќи дека смета дека е незамисливо ништо да не се преземе.
Во понеделникот двајцата министри разговараа со претставници на германски компании и финансиски институции во Лондон.
Конкурентноста на Германија, рече Линднер, исто така се влоши поради високите даночни стапки, пазарот на труд кој има потреба од реформи и прекумерната бирократија.
Во тие области, нагласи, мора да се работи. „Министерството за финансии верува дека овде можеме да бидеме уште побрзи и поамбициозни“, заклучи Линднер.
