Според експертите, „неплатената работа може да се утврди само за последните три години“.
Пекар од австрискиот град Форарлберг, добил отштета од 27.000 евра од својот поранешен работодавец, пишуваат австриските медиуми.
До ваков заклучок дошла работната комора во Австрија откако работникот бил отпуштен, пишува магазинот Феникс.
Пекарот во таа фирма работел 28 години. Неговиот работодавец ја искористил долготрајната болест како причина да го отпушти својот вработен. Кога ретроактивно му било проверено вработувањето, било утврдено дека прекувремената работа, ноќните смени и услугите за викенд не секогаш му биле платени.
Сепак, износот на надоместокот што го добил сега не го одразува она на што би имал право работникот. „Во сегашниот случај, пекарот веројатно изгубил многу прекувремени часови и бонуси во текот на годините назад“, велат од Комората на труд.
Според експертите, „неплатената работа може да се утврди само за последните три години“.
На пример во Германија „неплатената и платената прекувремена работа континуирано се намалува во последните десет години“, објаснуваат од Сојузното Министерство за социјални работи и труд.
Ова доаѓа од статистиката на Институтот за истражување на пазарот на труд и занимања за пресметка на работното време од ноември 2023 година. Бројот на неплатени прекувремени часови по вработен во 2022 година изнесува 20,1 (2012/27,5). Просечниот број на платени прекувремени часови е 14,2 (2012/22,7).
