Меѓународниот монетарен фонд (ММФ) ја зголеми својата прогноза за глобален раст за оваа година во позадина на подобрата од очекуваната експанзија во САД и фискалниот стимул во Кина, истовремено предупредувајќи на ризици од војни и инфлација.
Светската економија годинава ќе порасне за 3,1 отсто, се наведува во новиот квартален извештај, додека ММФ во октомври прогнозираше раст од 2,9 отсто. ММФ ја задржа прогнозата за 2025 година непроменета на 3,2 отсто, пренесува Блумберг.
Светската економија се лизга кон „меко приземјување“ откако се соочи со влијанието на строгата акција на каматните стапки на централната банка врз намалувањето на инфлацијата, соопшти ММФ. Ревидирајќи ја прогнозата за раст за 2024 година, ММФ објави дека големите економии, вклучувајќи ги САД, Кина, Русија и Индија, постигнале подобри резултати од очекуваните минатата година.
ММФ изјави дека веројатноста за тешко слетување (рецесија) е намалена и ризиците се рамномерно избалансирани. Растот би можел да биде поголем од прогнозираниот доколку инфлацијата дозволи позначајно намалување на каматните стапки, ако владите ја зголемат јавната потрошувачка или ако вештачката интелигенција ја зголеми продуктивноста.
ММФ предупреди на надолни ризици, вклучувајќи нестабилност и војна на Блискиот Исток, можноста инфлацијата да се покаже тешка и дека инвеститорите биле преголеми оптимисти за очекувањата за намалување на каматните стапки оваа година, пишува Ројтерс.
