27 мај, 2024
ПочетнаЛУКСУЗ И ПАТУВАЊЕНајбезбедните земји за туризам во 2024-та

Најбезбедните земји за туризам во 2024-та

Периодот на „туристички искуства“ е во подем по пандемијата, а повеќето патници сонуваат за уникатни авантури и посети на непопуларни локации за масите.

Затоа компанијата за патничко осигурување на „Berkshire Hathaway“ – „Travel Protection“, го објави својот нов годишен извештај во кој ги рангира најбезбедните земји во светот за туристи.

Во извештајот беа анкетирани 1.702 луѓе и користени се податоци од Глобалниот индекс на мир и рејтингот за безбедност при патување на Стејт департментот.

Се оценуваат прашањата поврзани со безбедноста, како што се здравствените мерки, тероризмот, временските итни случаи и безбедноста на недоволно застапените групи.

Во извештајот се наведува дека и покрај рангирањето, тоа не значи дека секој дел од земјата е безбеден, ниту, пак, предвидува потенцијални природни катастрофи, додава „CNBC“.

Канада е број 1 за 2024-та година

По рангирањето на шестото место во 2023-та година, оваа година Канада ја зазема првата позиција во рангирањето.

Студената клима и малата густина на населеност обезбедуваат безбедно патување за туристите во земјата.

Од „Berkshire Hathaway – Travel Protection“ додава дека во Канада е важно да се следи состојбата со шумските пожари и намалениот квалитет на воздухот во повеќето поголеми градови предизвикани од нив.

Според „The ​​Better Life Index“, Канада ја надминува просечната земја во однос на приходите, образованието, работните места, здравјето, квалитетот на животната средина, задоволството од животот и социјалните врски.

Канаѓаните го оценуваат своето целокупно задоволство од животот со 7 од 10, над просекот на ОЕЦД од 6,7.

Еве други земји што ги прават Топ 10 најбезбедни за туристите во 2024-та година:

Канада

Швајцарија

Норвешка

Ирска

Холандија

Обединето Кралство

Португалија

Данска

Исланд

Австралија

Швајцарија се искачува на рангирањето од бр.9 минатата година на второто место на листата за оваа. Земјата „е синоним за безбедност од нејзиното постоење“, велат авторите на извештајот.

Според  „U.S. News and World Report“ Швајцарија добива високи оценки за стабилноста на нејзината политика и економија. Земјата е дом на гигантски компании како што се„ Nestle“, „Hoffman-LaRoche“ и „Novartis“.

Швајцарија, исто така, шест пати беше рангирана како најдобра земја во светот и беше рангирана на четвртото место во неодамнешното подрангирање за квалитет на живот, додава „CNBC“.

НАЈНОВИ ВЕСТИ

ХОРОСКОП