Огромното мнозинство германски компании им исплаќаат бонуси на своите вработени поради инфлацијата.
72 отсто од компаниите веќе го направиле тоа, а уште 16 отсто планираат наскоро да исплатат бонуси.
Според информациите на економскиот институт Ifo, малите компании сакаат да ги мотивираат вработените со вакви неоданочени плаќања, додека големите компании почесто ги даваат по диктат на колективните договори, пренесува агенцијата ДПА.
Секоја друга компанија како причини ги наведе даночните олеснувања или нивната конкурентност на пазарот на трудот. Само 12 отсто од анкетираните компании немаат намера да плаќаат премии.
Работодавачите имаат право да платат до 3.000 евра на вработените од октомври 2022 година до крајот на оваа година поради зголемени цени, без даноци и придонеси.
