Во време на економска нестабилност и непредвидливост, многу луѓе се прашуваат како да ги заштитат, но и да ги умножат своите финансиски средства.
Една од најпопуларните и најсигурни опции за вложување е ороченото штедење во банка.
Што е орочено штедење и зошто е толку атрактивно за штедичите?
Ороченото штедење е вид на штедење каде што се вложуваат пари на одреден рок со фиксна каматна стапка. Тоа значи дека кога ќе одлучите да ги орочите своите пари, тие ќе останат на штедната сметка на одреден период, а вие ќе добивате гарантирана камата на тој износ. Оваа метода на штедење претставува договор помеѓу вас и банката дека нема да ги повлечете вашите пари пред истекот на договорениот рок, со што ја обезбедувате стабилноста и ликвидноста на банката.
Ороченото штедење нуди низа предности за штедишите, како што се:
Сигурност: Вашите пари се заштитени и сигурни. Банките обично нудат гарантирани каматни стапки, што значи дека точно знаете колку ќе добиете на крајот на орочениот период. Нема ризик од губење на дел или цела инвестиција, како што е случај со некои други видови на вложувања, како акции, обврзници или фондови.
Предвидливост: Додека вредноста на другите видови на вложувања може да варира поради различни фактори на пазарот, со ороченото штедење точно знаете колку ќе заработите. Нема изненадувања, нема нагаѓања.
Флексибилност: Повеќето банки нудат различни рокови на орочување, што значи дека можете да го одберете оној кој најдобро одговара на вашите финансиски планови и потреби. Исто така, ако се променат вашите финансиски потреби, често постои можност за прекин на орочувањето со одредени услови.
Како да изберете најдобра банка и најдобар рок за орочување?
Пред да одлучите да орочите своите пари, потребно е да направите добро истражување и да ги споредите понудите на различните банки. Некои од факторите на кои треба да обратите внимание се:
Висината на каматната стапка: Ова е најважниот фактор, бидејќи од него зависи колку ќе заработите од вашето штедење. Каматните стапки можат да се разликуваат од банка до банка, и од рок до рок. Обично, подолгите рокови нудат повисоки каматни стопки, но тоа не значи дека секогаш се најповолни. Треба да го пресметате ефективниот принос од вашето штедење, кој зависи и од начинот на исплата на каматата (месечно, квартално, годишно или на крајот на рокот).
Данок на каматата: Ова е друг фактор кој може да влијае на вашата заработка од штедењето. Во Македонија веќе некое време се најавува данокот на каматата кој ќе изнесува 10%. Тоа значи дека од вашата камата ќе се одземе 10% и ќе ви се исплати нето камата. Затоа, треба да го земете во предвид овој данок кога ќе го споредувате приносот од различните банки.
Услови за разорочување: Ова се правилата кои важат ако сакате да ги повлечете вашите пари пред истекот на договорениот рок. Некои банки ви дозволуваат да го разорочите вашиот депозит без губење на каматата, додека други банки ви наплаќаат казнени камати или ви одземаат дел или целата камата. Затоа, треба да ги прочитате внимателно условите за разорочување пред да потпишете договор за штедење.
Спред експерти за финансии со коишто разговаравме, ороченото штедење е еден од најсигурните и најпредвидливите облици на вложување кој ви овозможува да ги заштитите, а воедно и да ги зголемите своите финансиски средства.
„Сепак, за да изберете најдобра банка и најдобар рок за орочување, потребно е да направите добро истражување и да ги споредите понудите на различните банки. На тој начин, ќе можете да ги искористите сите предности на ороченото штедење и да ги постигнете своите финансиски цели“, коментираат експертите.
Б.З.М.
