Многу Македонци кои живеат и работат во Данска се враќаат во својата татковина за да се лекуваат или за да си ги поправат забите. Причината е едноставна: во Македонија здравствените услуги се многу поевтини.
Еден од нив е Божидар Стојановски, 35-годишен инженер кој живее во Копенхаген од 2015 година.
Тој вели дека во Данска лекувањето на забите е многу скапо и дека мора да чека месеци за да добие термин кај стоматолог.
„Во Данска, една пломба чини околу 200 евра. Ако сакаш да си ставиш имплант или протеза, тоа ќе те чини илјадници евра. Плус, мора да платиш и здравствено осигурување, коешто не ги покрива сите трошоци. Затоа, секогаш кога имам некој проблем со забите, јас се враќам во Македонија, каде што можам да се лекувам за многу помалку пари и со многу подобра услуга”, вели Божидар.
Тој додава дека во Македонија има многу добри и искусни стоматолози, кои користат современа опрема и материјали. Тој исто така додава дека во Македонија може да добие термин за истиот или наредниот ден, без да чека долго.
„Јас сум многу задоволен со квалитетот на стоматолошките услуги во Македонија. Сум се лекувал кај неколку различни стоматолози и сите биле многу професионални, љубезни и прецизни. Забите ми изгледаат одлично и немам никакви компликации. Секогаш кога доаѓам во Македонија јас ги поправам забите, а понекогаш и правам превентивни прегледи”, вели Божидар.
Според него, многу од неговите пријатели и колеги кои се исто така се македонци од Данска, прават исто така.
Тоа е начин, посочува нашиот соговорник, да се заштедат пари, но и да се искористи одморот во Македонија.
„За мене ова е идеална комбинација. Ем можам да се видам со моето семејство и пријатели, да уживам во македонската храна и природа, ем можам да се погрижам за моето здравје. Јас мислам дека ова е многу паметно и практично. Сигурно ќе продолжам да го правам ова сè додека живеам во Данска”, заклучува Божидар.
Б.З.М.
