Минимален пад од 0,1 процентен поен (п.п.) го означи вработеноста во Европската унија (ЕУ) во третиот квартал од 2023-та година во однос на претходниот, покажуваат податоците на европската статистичка агенција Еуростат објавени во петокот.
75,3% е регистрираното вработување кај лицата на возраст меѓу 20 и 64 години во ЕУ во периодот јули-септември.
Има значителни варијации помеѓу вториот и третиот квартал од годината во нивоата на вработеност во земјите на ЕУ, при што најголемо намалување е забележано во Хрватска (-1,3 п.п.) и Бугарија (-1,1 п.п.). Меѓу земјите-членки, најголем раст има Малта (+1,1 п.п.) и Белгија (+0,5 п.п.). Нивото на вработеност остана стабилно во Луксембург и Холандија.
Во периодот меѓу вториот и третиот квартал од годинава, работа нашле 3 милиони невработени (23,3% од сите невработени за вториот квартал). 6,7 милиони луѓе (51,9%) останале невработени, а 3,2 милиони луѓе (24,8%) го напуштиле пазарот на трудот (т.е. пензионирани, студираат или не се регистрирани како невработени).
Од сите вработени во вториот квартал, 2,5 милиони луѓе (1,2%) останале без работа во третиот квартал, а 5,1 милиони луѓе (2,5%) го напуштиле пазарот на трудот.
Од оние надвор од пазарот на трудот во вториот квартал од 2023-та година, 4,7 милиони (4,1%) нашле работа во третиот, а 3,9 милиони (3,4%) се регистрирани како невработени.
